Хакерлер EXPO-2017 сайтына шабуыл жасады

EXPO-2017 көрмесінің сайты ауқымды хакерлік шабуылға ұшырады, - деп хабарлайды Tengrinews.kz тілшісі көрменің медиа орталығына сілтеме жасап.

"20 тамызда сағат 23-00 кейін (Астана уақытымен) expo2017.astana.com сайты орналасқан серверге ауқымды Ddos-шабуыл жасалғаны тіркелді. Зиянкестер әртүрлі IP-мекенжайлардан бөлінген шабуыл арқасында үлкен жүктемені түрлендіре отырып (секундына 20 мың сұраудан астам), серверді істен шығаруға әрекет жасады", - делінген хабарламада.

Техникалық қызметтің бірлескен жұмысы арқасында сервердің жұмыс істеу қабілеті толық қалпына келтірлген. Ddos-шабуылының барлық деректері арнайы қызметтерге жіберілді.