Хромтауда жүргізуші қасқырларды видеоға түсіріп алған

Хромтаудағы өндірістік карьерлердің бірінде жүк көлігінің жүргізушісі қасқырларды видеоға түсіріп алған. Кейіннен ол видео әлеуметтік желілерде тарап кетті, - деп хабарлайды Tengrinews.kz тілшісі "Диапазон" басылымына сілтеме жасап.

Видео кадрларынан жануарлардың адамдардан және техникалардың дыбыстарынан еш қорықпағанын байқауға болады. 

Қолданушылар өз кезегінде Instagram желісіндегі zello.aktobe парақшасында жарияланған видеоны талқылап жатыр. Кейбір пікір қалдырушылар видеоның Хромтауда емес, Қостанай облысында түсірілгенін жазып жатса, тағы біреулері мұның тіпті Ресейде түсірілгенін айтады.