Ыстамбұл орталығында Тоқаевтың ФИФА басшысымен түскен суреті пайда болды

Ыстамбұл орталығында Қасым-Жомарт Тоқаевтың ФИФА басшысы Джанни Инфантиномен түскен суреті пайда болды, - деп хабарлайды Tengrinews.kz тілшісі.

Ыстамбұл орталығындағы жарнама экранында Қазақстан Президенті мен Халықаралық футбол федерациясы басшысының Астанада өткен кездесуде түсірілген суреті пайда болды.

"ФИФА Қазақстанда футболдың дамуына көмектеседі", - деп түрік тілінде жазба жазылған.

©️ Tengrinews.kz / Тұрар Қазанғапов

Tengrinews.kz фототілшісі Тұрар Қазанғапов Ыстамбұл орталығында, Айя-София мешітінен алыс емес жерде орналасқан жарнама экранын суретке түсіріп алды. Бұл жерден күн сайын туристер мен жергілікті тұрғындар легі өтеді.

Еске салайық, 3 мамырда Астанада Қасым-Жомарт Тоқаев пен ФИФА басшысы Джанни Инфантино қазақстандық футболдың әлеуетін арттыру және жасөспірімдер спортын дамыту мәселелерін талқылаған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!