Жайықта балық қырылды: Өзенді тексеру үшін арнайы комиссия құрылды

Атырауда Жайық өзенін тексеру үшін арнайы комиссия құрылды, - деп хабарлайды Tengrinews.kz тілшісі Атырау облысының Өңірлік коммуникациялар қызметіне сілтеме жасап.

ӨКҚ-нің мәліметінше, Атырау облыстық орман шаруашылығы және жануарлар дүниесі аумақтық инспекциясымен ведомствоаралық комиссия құрылды. Комиссия құрамына Атырау облыстық балық шарушылығы басқармасы, мамандандырылған табиғат қорғау прокуратурасы, экология департаменті, Қазақ балық шаруашылығы ғылыми зерттеу институты, ветеренариялық бақылау және қадағалау аумақтық инспекциясы, төтенше жағдайлар департаменті мен Атырау қалалық қоғамдық денсаулық сақтау басқармасының мамандары кірді.

Зерттеу барысында xимиялық зерттеу су сынамалары және өзеннен өлген балықтар мен тірі балықтардың сынамалары алынды. Алынған сынамалар ҚР АШМ "Республикалық ветеринария зертханасы" РМК Атырау облыстық филиалына және Атырау қалалық қоғамдық Денсаулық сақтау басқармасына жіберілді.

Еске салайық, бұған дейін Жайық өзенінде ақмарқа балықтардың қырылғаны хабарланған болатын.