Жамбыл Сматов Тараз қаласының прокуроры болды

ҚР Бас прокурордың бұйрығымен Жамбыл Сматов Тараз қаласының прокуроры болды, - деп хабарлайды Tengrinews.kz тілшісі Жамбыл облыстық прокуратурасының баспасөз қызметіне сілтеме жасап. 

Прокуратура органдарында 2008 жылдан бастап жұмыс істейді.

Жамбыл Сырлыбайұлы Сматов 1985 жылы 26 шілдеде дүниеге келген. Бұрындары Жамбыл облысының Жамбыл ауданы, Тараз қаласы прокурорларының көмекшісі, Бас прокуратураның әлеуметтік-экономикалық саладағы заңдылықты қадағалау Департаментінің бөлім прокуроры, Бас Прокурордың Аппаратының - Бас Прокурордың аға көмекшісі, Ақмола облысының Целиноград ауданының прокуроры лауазымдарын атқарған.

2017 жылдың қазан айынан бастап Нұр-Сұлтан қаласы Сарыарқа ауданының прокуроры лауазымында қызмет атқарған.