1. Басты
  2. Біл
  3. Жаңалықтар
  4. Ел жаңалықтары

Заң алдында бәрі тең. Шымкентте полицейге Facebook желісіндегі жазбадан кейін айыппұл салынды

Facebook желісінің Нұрдәулет Тәңірберген есімді қолданушысы Шымкент қаласының жергілікті полиция қызметінің басшысы Данияр Мейірханның ісін баяндады, - деп хабарлайды Тengrinews.kz тілшісі.

"Екі сағат бұрын Береке Дүйсебеков жол патрульдік полиция қызметкерлерінің көліктің шамын қоспай жүргізіп келе жатқан суретін Желіге жүктеген. 5 минут бұрын жергілікті полиция қызметінің басшысы Данияр Мейірхан полиция қызметкеріне толтырылған хаттаманың көшірмесін салды", - деп жазды Желі қолданушысы. 

"Бұл кісілер өздері шамын қоспай жүре берсе бола береді ма сонда?) #Х850КР", - деп жазды Береке Дүйсебеков.

Осыған жауап ретінде Данияр Мейірхан Facebook желісіндегі өзінің парақшасында "Заң алдында бәрі тең", - деп жазып, хаттаманың суретін жүктеді. 

Айта кетейік, көліктің жарық шамын жақпай жүргізгені үшін 5 АЕК немесе 11 345 (1 АЕК 1 қаңтардан бастап - 2 269 теңге) теңге айыппұл салынады.