+7 (777) 001 44 99
Қазақша
Русский
English
16 тамыз 2019 | 10:51
Заң бұзып, салық төлемеген 117 көліктің уақытша сақтау қоймаларында тұрғаны анықталды
Бүгінде еліміздің уақытша сақтау қоймаларында құны 500 - 9000 доллар аралығындағы 117 көліктің тұрғаны анықталды, - деп хабарлайды Tengrinews.kz тілшісі Мемлекеттік кірістер комитетінің баспасөз қызметіне сілтеме жасап.
ПОДЕЛИТЬСЯ
Бүгінде еліміздің уақытша сақтау қоймаларында құны 500 - 9000 доллар аралығындағы 117 көліктің тұрғаны анықталды, - деп хабарлайды Tengrinews.kz тілшісі Мемлекеттік кірістер комитетінің баспасөз қызметіне сілтеме жасап.
Ведомство мәліметінше, бұл көліктердің барлығы кеден заңнамасын бұзып, кедендік төлемдер мен салықтар төленбеуінен қоймаға жеткізілген.
2019 жылдың 13 тамызындағы жағдай бойынша, уақытша сақтау қоймаларында 500-ден 9000 АҚШ долларына дейінгі Еуразиялық экономикалық одақ аумағында пайдалануға тыйым салынған және қауіпсіздік бойынша техникалық регламенттерге сәйкес келмейтін 1965-2013 жылдары шығарылған 117 автокөлік құралы тұр.
"Техникалық регламентке сәйкес емес, бірақ бұдан әрі пайдалануға жарамды автокөлік құралдары қосалқы бөлшектер бойынша іске асыру үшін "Оңалту және активтерді басқару компаниясы" АҚ уәкілетті ұйымына берілген. Іске асыруға және бұдан әрі пайдалануға жарамсыз автокөлік құралдары уәкілетті мемлекеттік органдармен келісілгенде және ақшалай қаражаттар іздестірілгеннен кейін кәдеге жаратылады", - делінген комитеттің хабарламасында.
Показать комментарии
Читайте также
