Жаңа жыл мерекесі күндері ауа райы қандай болады?

Синоптиктер 2016 жылғы 29-31 күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.

"29-31желтоқсанда облыстардың көбінде қар жауып, боран соғып, батыс желі 15-20 м/с дейін күшейеді, бірақ ауа температурасы нормадан 2-5 градус жоғары болып, қатты аяз болмайды. Оңтүстік және оңтүстік-шығыс облыстарда, оңтүстік циклонның ықпалынан, қар және сулы қар түріндегі жауын-шашын түсіп, соған орай көктайғақ пен тұман күтіледі, бұл жерлерде температура сондай-ақ климаттық мәннен жоғары болады", - деп хабарлайды мамандар.

Жаңа жыл түніне және мерекелік күндерге арналған ауа-райы болжамы синоптиктермен 30 желтоқсанда шығарылады.