Жаңа жыл қарсаңында Алматының қоғамдық көліктері қалай жұмыс істейді?

Алматының қоғамдық көліктері 31 желтоқсанда әдеттегі режимде жұмыс істейтін болады, - деп хабарлайды Tengrinews.kz тілшісі Алматы қалалық Жолаушылар көлігі және автомобиль жолдары басқармасына сілтеме жасап.

"Мереке күндері қалалық қоғамдық көліктер әдеттегі режимде жұмыс істейтін болады. 962 автобус, олардың ішінде 107 троллейбус жолға шығады деп жоспарланып отыр", - деді Басқарма өкілдері.

Сондай-ақ, қалалық қоғамдық көліктердің жұмысын Жолаушылар көлігі және автомобиль жолдары басқармасының Орталық диспетчерлерімен бақыланатыны айтылады.

Басқарма өкілдері қандай да бір сұрақтар туған жағдайда Орталық диспетчер қызметіне хабарласуларыңызды сұрайды: 397-01-97 немесе 271-65-47.

Ал "АвтоАлма-Транс" пен Green Bus Company өкілдері автобус пен троллейбустардың сағат 24.00-ге дейін жүретінін хабарлады.

Ал метро әдеттегідей сағат 23.30-ға дейін жұмыс істейтін болады.