Жақып Асанов екі прокурорға проблема ұйымдастырып беретінін айтты

Бас прокурор Жақып Асанов қысым көрсеткісі келген екі адамды жазалауға уәде берді, - деп хабарлайды Tengrinews.kz тілшісі.

Асанов Бас прокуратураның кадр жұмысы департаментіне таныстары арқылы ведомствоға қысым көрсеткісі келетіндердің тізімін жасауды ұсынды.

"Мен өз тізімімді жасадым. Облыстық екі прокурор мазасын алмауым үшін қысым көрсеткісі келді. Мұны әзілсіз айтып отырмын. Олардың басында проблема болады. Мұндайды қою керек", - деп мәлімдеді Жақып Асанов Астанада мемлекеттік аппараттың кәсіби құрылымы мәселелері бойынша алқа отырысында.