Жел 2 мектеп пен аурухананың шатырын жұлып әкетті

Оңтүстік Қазақстан облысы аумағында соққан қатты жел 2 мектеп пен аурухананың шатырын жұлып әкетті, деп хабарлайды Tengrinews.kz ҚР ТЖМ баспасөз қызметіне сілтеме жасап. Оқиға ақпанның 22-і күні 16.00 шамасында тіркелген. "Жылдамдығы секундына 20-25 метрге дейін жеткен жел (кей жерлерде секундына 28 метрге жеткен) Төле би ауданына қарасты Ленгірдегі № 4-ші орта мектеп пен Көксайық ауылында орналасқан орта мектептің шатырын жұлынып әкеткен. Қатты соққан жел сондай-ақ, Түлкібас ауданындағы орталық аурухананың да шатырын жартылай жалаңаштап кеткен.