Зерендідегі ҰОС жауынгерлеріне арналған ескерткішті бүлдірген күдікті анықталды

Ақмола облысында полиция вандализм жасаған күдіктіні анықтады, - деп хабарлайды Tengrinews.kz тілшісі ІІМ баспасөз қызметіне сілтеме жасап.

Заңбұзушылық 26 қазанда тіркелген. Ұлы Отан соғысының жауынгерлеріне арналған ескерткіш бүлініп, тақтайшалар жұлынған. Полиция оқиға орнына барып, тексеру жүргізіп, соталды тергеуді бастағаны айтылды.

"Жедел-іздестіру іс-шаралары барысында 38 жастағы жергілікті тұрғын анықталды. Ұсталған күдікті жасаған іс әрекетін мойындады. Оған қатысты ҚР ҚК-нің 294-бабы бойынша соталды тергеу жүргізіліп жатыр", - делінген хабарламада.

Оқиғаның барлық мән-жайы анықталады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!