Банктерге Қазақстаннан рубль шығаруға рұқсат берілді

Үкімет банктерге Қазақстаннан қолма-қол рубльді шығаруға рұқсат берді. Қаулы НҚА эталондық бақылау банкі сайтында жарияланды, - деп хабарлайды Tengrinews.kz тілшісі.

"Қазақстан Республикасының екінші деңгейдегі банктеріне 2022 жылғы 31 тамызға дейін кассаларда 1 шілдедегі сағат 23:59-ға дейін жинақталған көлем шегінде Қазақстаннан қолма-қол Ресей рублін әкетуге рұқсат етілсін", - делінген құжатта.

Қаулы қол қойылған күнінен бастап қолданысқа енгізіледі.

Еске салайық, наурызда Президент Қазақстаннан 10 мың доллар баламасынен асатын шетел валютасын әкетуге тыйым салатын жарлыққа қол қойған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!