Қашағанда мұнай өндіру қайта жанданды

10 тамызға қараған түні Қашаған кен орнында мұнай өндіруді кезең-кезеңімен қалпына келтіру басталды. Бұл туралы Солтүстік Каспий жобасының операторы NCOC (North Caspian Operating Company) баспасөз қызметі хабарлады, - деп хабарлайды Tengrinews.kz тілшісі.

Теңіз және жер үсті кешендерінде рұқсаттарға сәйкес белгілі бір уақытқа дейін газ жағу шектелетіні айтылған.

"Газды жағу Қашаған кен орнын игеруді қамтитын осындай күрделі өндірістік операцияларды қайта бастаудың стандартты процесі саналады және шектеулі уақыт ішінде үзіліспен жүргізіледі", - деп түсіндірді компания өкілдері.

Еске салайық, 5 тамызда Қашағанда мұнай өндіру газдың шығу белгілеріне байланысты тоқтатылғаны хабарланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!