Америкалық топ Абайдың әнін орындады

АҚШ-та Нэшвилл қаласының (Теннеси штаты) Humming House атты тобы Абайдың "Айтты сәлем, Қаламқас" әнін орындады. Видеоны АҚШ-тың Қазақстандағы елшілігі Facebook желісіндегі парақшасында жариялады, - деп хабарлайды Tengrinews.kz тілшісі.

2018 жылы Humming House тобы Қазақстанға American Music Abroad бағдарламасы аясында келген және сол кезде Абайдың туған өңірі Семей қаласына барған.

Америкалық топ қазақ әнін алғаш рет орындап тұрған жоқ. 2018 жылы ол Айдос Сағатпен бірге оның авторлық әні "Наурызға" кавер-ән жазған болатын.

Қазақстан жаңалықтары. Соңғы жаңалықтар. Telegram желісінде бізге жазыл!