Астанада авторлық әндердің халықаралық байқауы өтеді

Шілденің 25-27-сі аралығында Астанада "Астана – 2014" халықаралық авторлық әндер байқауы өтеді, - деп хабарлайды Tengrinews.kz Астана әкімдігінің баспасөз қызметіне сілтеме жасай отырып. 

Қазақстанның, Ресейдің белгілі авторлары мен орындаушылары үш күнге созылатын музыка байқауына жиналады. 

Осы жолы байқауға Юлий Ким, Михаил Щербаков, Михаил Кочетков, Раиса Нур, Жеңіс Ысқақов, Александр Бормотов және басқа да көптеген орындаушылар қонақ ретінде қатысады. Астана тұрғындары мен қонақтары тамаша ән мерекесіне куә болмақ.

Айта кету керек, қазіргі таңда авторлық әндер жанры жандана түсуде. Аталған байқау ТМД елдерінде ең маңызды мәдени оқиғалардың біріне айналды.