Данэлия Төлешова жаңа бейнебаян жариялады

Қазақстандық жас әнші Данэлия Төлешова жаңа бейнебаянын таныстырды. Қыз бала Эмбер Райлидің Colourblind әніне кавер орындаған, - деп хабарлайды Tengrinews.kz тілшісі. 

"Мен үшін Colourblind әніне кавер ұсыну үлкен бақыт", - деп жазды қыз бала Intagram желісінде. 10 мамырда жарияланған бейнебаянды 37 мың адам қараған және 500-ден аса пікір жазылған. 

Пікір қалдырушылардың көбі кавер-орындау түпнұсқадан әлдеқайда сәтті шыққанын жазып жатыр. 

Айта кетейік, 4 мамырда Данэлия Төлешова Түркияның Анталия қаласында MayFest фестивалі аясында концерт берді.