Димаш Құдайберген Андреа Бочеллимен бірге ән салды

Димаш Құдайберген италиялық танымал тенор Андреа Бочеллимен дуэт орындады. Олар Besame Mucho әнін айтты, - деп хабарлайды Tengrinews.kz тілшісі.

Игорь Крутойдың туған күнінде Димаш Бочеллимен ән айтқан. Видео қазақстандық әншінің Instagram-парақшасында жариялады. 

"Маэстромен кездеспегелі біраз болды. Грим жасайтын бөлмеде ән айтуды ұйғардық. Сахнаға шығатын сәтті күтіп отырмыз. Әлемдегі ең әдемі тенор Андреа Бочеллимен", - деп жазды Димаш Құдайберген. 

Андреа Бочелли мен Димаш Құдайберген биыл мамырда кездескен еді. Сол кезде италиялық әнші Димаштың даусына таңғалғанын айтқан.