Димаш Құдайберген Мәскеуде Пугачеваның жеке кешінде өнер көрсетті

Димаш Құдайберген Мәскеудегі Crocus City Hall концерт залында Алла Пугачеваның шығармашылық кешінде өнер көрсетті, - деп хабарлайды Tengrinews.kz тілшісі әншінің ВКонтакте желісіндегі фан-клубының парақшасына сілтеме жасап.

Қазақстандық әртіс примадоннаның "Любовь, похожая на сон" әнін продюсер және композитор Игорь Крутойдың сүйемелдеуімен орындады. 

Фан-клубтың парақшасында Димаш Құдайбергеннің ән айтқаны, сондай-ақ, жанкүйерлері көшеде шығарып салып жатқаны түскен видеолар жарияланды.