Димаш Құдайбергеннің Кремль сахнасында орындауының видеосы Желіде пайда болды

Димаш Құдайбергеннің ресми YouTube-каналында қазақстандық әншінің Кремльде орындауының толық видеосы жарияланды, - деп хабарлайды Tengrinews.kz тілшісі.

 Димаш Құдайбергеннің жеке шығармашылық концерті Ресейдің ең беделді алаңында - Мемлекеттік Кремль сарайында - 22 наурызда өтті. БАҚ мәліметінше, Мәскеудегі концертке 50-ден аса елден оның жанкүйерлері келген. 

Димаш әр түрлі тілде ән орындаған, сонымен қатар оның қазақша композицияларын залдағы отырған көрермен Қазақстан туымен қарсы алған. Сондай-ақ, қазақстандық әнші Дәулеткерейдің "Көроғлы" күйін домбырамен орындап берген.