+7 (777) 001 44 99
Қазақша
Русский
English
27 наурыз 2017 | 19:58
Димаш Құдайберген Азияның ең танымал әншісі атанды
Қазақстандық әнші Димаш Құдайберген China Top music Awards шарасында "Азияның ең танымал әншісі" атанды, - деп хабарлайды Tengrinews.kz тілшісі. Бұл туралы әншінің PR-директоры әрі досы Алпамыс Шаримов хабарлады.
ПОДЕЛИТЬСЯ
Қазақстандық әнші Димаш Құдайберген China Top music Awards шарасында "Азияның ең танымал әншісі" атанды, - деп хабарлайды Tengrinews.kz тілшісі. Бұл туралы әншінің PR-директоры әрі досы Алпамыс Шаримов хабарлады.
Шанхайда өтіп жатқан шараның марапаттау рәсімінде Димаш Құдайберген SOS d'un terrien en détresse әнін орындады. Бұл әнді қазақстандық әнші I am a Singer байқауының бірінші кезеңінде орындаған болатын. Шараға қатысу үшін әншінің әкесі Қытайға арнайы барған екен.
Марапаттау сәтінде Димаш Құдайберген тыңдармандарына қазақ тілінде алғыс айтты. "Ассалаумағалейкүм, құрметті әлеумет! Өте қатты қуаныштымын, қазір. Бұл менің шет елдегі алып тұрған ең алғашқы үлкен сыйлығым. Ең алдымен мен өзімнің ата-анама және де жан досыма көп рақмет айтамын, мені қолдап-демеу болып жүргендеріне. Және де менің бағымды ашқан, әлемге танытып жатырған "Singer" жобасына алғыс айтамын! Менің қолдап жүретін барша тыңдармандарыма рақмет айтқым келеді! Бар болыңыздар, аман болыңыздар! Бұл тек бастамасы ғана!!!", - деді Димаш Құдайберген.
Айта кетейік, Top Chinese Music Awards Қытайдағы Грэмми марапаты ретінде танылған. Музыкалық жүлде 2001 жылдан бері жыл сайын дәстүрлі түрде өтіп келеді.
Публикация от jeans2012 (@jeans20122594) Мар 27 2017 в 6:59 PDT
Показать комментарии
Читайте также
