Димаш Құдайберген Германия мен Чехияда жеке концерт өткізеді

Әнші Димаш Құдайбергеннің Германия мен Чехияда жеке концерті өтеді, - деп хабарлайды Tengrinews.kz тілшісі.

Бұл туралы әнші Instagram желісіндегі парақшасында мәлімдеді. Әнші 2020 жылы 19 наурызда Гамбургте, 21 наурызда Дюссельдорфта, 25 наурызда Прагада және 28 наурызда Штутгартта өнер көрсетеді.

Сонымен қатар, ол тыңдармандарын Чехия астанасында өтетін жеке концертіне шақырды.

"Қымбатты достар, 25 наурызда Прагадағы Tipsport-Arena стадионында жеке концертім өтеді. Келіңіздер, сіздерді көңілді кеш күтеді",- деді әнші.

Еске сала кетейік, 29 қарашада Санкт-Петербургте Димаштың концерті өтті. Әншінің өнерін тамашалауға 12 мыңнан аса адам жиналған.