"Дос-Мұқасан" тобының солисі қайтыс болды

"Дос-Мұқасан" тобының солисі Камит Санбаев қайтыс болды, - деп хабарлайды Tengrinews.kz тілшісі.

Бұл мәліметті ұжымның арт-директоры Данияр Құсайынов растады.

"Ансамбльдің негізін қалаушылардың бірі Камит Санбаев созылмалы аурумен ауырған соң қайтыс болды. Қайғырамыз! Орны толмас қаза! Біз Камитті мәңгі есте сақтаймыз және ол үшін дұға етеміз", - деді ол.

 Айта кетейік, ансамбль 1967 жылы 1 тамызда құрылған.

Ансамбльдің негізін қалаушылар - Досым Сүлеев, Мұрат Құсайынов, Камит Санбаев, Александр Литвинов болған еді.

Қазақстан жаңалықтары. Соңғы жаңалықтар. Telegram желісінде бізге жазыл!