Ержан Максим Нұр-Сұлтанда өткен фестивальде алғашқы жүлдеге ие болды

Белгілі жас әнші Ержан Максим 21 тамызда Нұр-Сұлтанда "Барыс-Арена" мұз сарайында халықаралық Nur-Sultan Music Awards-2019 музыка фестиваліне қатысып, жүлдемен оралды, - деп хабарлайды Tengrinews.kz тілшісі.

Бұл туралы Ержан Максим Instagram желісіндегі парақшасында хабарлады. "Қайырлы кеш инста достар! Мені алғашқы премиямен құттықтасаңыздар болады", - деп жазған әнші.

Айта кетейік, елорда сахнасында Грузия, Франция, Италия, Латвия, Әзербайжан, Өзбекстан, Украина, Ресей және өз еліміздің музыка әлемінде көш бастап тұрған әртістер өнер көрсетті.