Голливудта күй орындаған домбырашылардың видеосы Желіде хит болды

Домбырашылардың Голливудтағы асқан шеберлікпен күй орындаған видеосы Желіде жылдам таралып жатыр, - деп хабарлайды Tengrinews.kz тілшісі. 

Екі қазақ жігітінің Голливуд тауларының аясында домбыра шерткен видеосы Instagram желісіндегі пабликтердің барлығында дерлік жарияланды. 

Видеоға қатысты тек жағымды пікірлер жазылған екен. Желіде мұндай екі видео барын айта кетейік, екеуінде екі басқа адамдар және орындаған күйлері де өзге. 

Домбырашылардың күй орындаған видеосын Қазақстандағы АҚШ елшілігі де Instagram желісінде жариялап, оның сипаттамасына "Домбыра үнімен Голливуд сондай алыс болып көрінбейді", - деп жазған.