+7 (777) 001 44 99
Қазақша
Русский
English
13 қараша 2020 | 12:28
Крутой мен Николаев Димаш Құдайбергенге жаңа ән жазды
Композитор Игорь Крутой мен музыкант Димаш Құдайберген бірлесіп ән жазды. Композиция "Я скучаю по тебе" деп аталады, - деп хабарлайды Tengrinews.kz тілшісі.
ПОДЕЛИТЬСЯ
Композитор Игорь Крутой мен музыкант Димаш Құдайберген бірлесіп ән жазды. Композиция "Я скучаю по тебе" деп аталады, - деп хабарлайды Tengrinews.kz тілшісі.
"Міне, Димаш екеуміз пандемия жағдайында "Я скучаю по тебе" атты жаңа әннің алғашқы жазбасына келдік... Бұл әннің сөзін менің тамаша досым әрі соавторым Игорь Николаев жазды. Игорь екеуміз ұзақ уақыт бойы бірлесе туынды жазбаған едік, міне, енді тағы да шығармашылық қоңыраулар, кодтарды өңдеу, жану...
Димашпен де дәл солай - үндестік таңдау, ыңғайлы модуляция, көңіл күй және әдеттегідей талантты өлеңдер, музыка және біздің еліміз (тек біздің елде емес) күтетін дауыс, Димаштың даусы пайда болған сәтте ғажайыпты күту... Бұл әннің тағдыры жарқын, өмірі ұзақ, оған деген махаббат бақытты болады деген үміттемін. Осылайша, шығармашылық азап пен ізденісте өміріміздің тағы бір күні өтті, мен сіздермен, қымбатты оқырмандарым, осыны бөлісуді шештім", - деп жазды Игорь Крутой Instagram-да.
Игорь Крутой видеода ән үзінділерін көрсетті.
Димаштың өзі композиция туралы әлі ештеңе жарияламады, алайда оның әлеуметтік желідегі парақшасында "miss you", яғни "сағындым сені" деген жазба пайда болды.
Игорь Николаев та жаңа әннің жазылуы туралы айтты.
"Әннің дүниеге келуі - баланың дүниеге келуі сияқты: толқу, дайындық, сондықтан мен әннің ғұмыры ұзақ болғанын қалаймын. Әсіресе, досым Игорь Крутойдың әдемі музыкасына өлең жазғанда, мен оның не туралы екенін білгім келеді, өйткені өлеңдер мен музыканың сәйкестігінен біздің сүйікті "Я люблю тебя до слез", "Третье сентября", "Мой друг", "Свадебные цветы" және тағы басқа әндер шыққан!
Міне, енді толқу мен үмітпен "Я скучаю по тебе" атты жаңа әнмен жұмыс істеп жатырмыз, тамаша әнші Димашпен соңғы жазбаны күтіп жүрміз, жаңа әнімізге бақытты тағдыр мен сіздің махаббатыңызды тілейміз", - деп жазды әнші.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
