Куба музыканттары қазақтың "Жар-жар" әнін орындады

Sin Frontera және Үш Терек тобы. ©youtube.com/aрман алим

Қазақстандық Үш Терек тобы (Арман Әлім, Нұрмағанбет және Kenny Jey) мен кубалық Sin Frontera тобы (Rodyn Fernandez, Omar Arango Torres, Efrain Yohandi Fuentes) қазақтың халық әні "Жар-жарды" орындап, бейнебаян түсірді. Бірлескен бейнебаян жуырда YouTube желісіне орналастырылды.

Бұл Қазақстан мен Куба өнерпаздарының алғашқы бірлескен жұмысы емес. Өткен жылы Sin Frontera танымал хит - "Аспанға қараймынды" орындаған еді.

Sin Frontera Қазақстанда бірнеше жылдан бері өнер көрсетіп жүр. Ұжымның әр мүшесі Кубада танымал топтар құрамында жұмыс істеген.