Қазақстандық рэпер Скриптонит "Вечерний Ургант" бағдарламасында өнер көрсетті

Ресейде танымал музыкант бағдарламаның соңында өзінің "Любовь" атты композициясын орындады. "Өткен жылдың соңында Скриптонит дебюттік "Дом с нормальными явлениями" атты әнжинағын шығарған болатын. Ол 2015 жылдың ең жемісті ресейлік рэп әнжинақтарының бірі болды", - деді Иван Ургант.

Айта кетейік, Әділ Жәлелов 1990 жылы 3 маусымда Павлодарда дүниеге келген. Музыкамен ол жасөспірім кезінде айналыса бастайды. 2014 жылдың 27 ақпанында Скриптонит ресейлік әнші Баста жетекшілік ететін Gazgolder қоғамдастығына мүше болды. Журналистер павлодарлық жігіттің "Дом с нормальными явлениями" атты әнжинағын орыстілді хип-хоп жанрындағы төңкеріс деп жазды.