"Таза қазақ" - Иван Дорн Ғалымжан Молданазармен бірге қазақша ән салмақ

Жақында Ғалымжан Молданазар белгілі Иван Дорнмен бұрын-соңды болмаған трек жазатыны туралы айтқан. Бұл ойды жүзеге асырылып жатқан сияқты: студияда жұмыс қызып тұр, кейін клип те түсірілуі мүмкін, - деп хабарлайды НТК арнасындағы "Ревю" бағдарламасы. 

Молданазардың Instagram желісіндегі парақшасында пайда болған жаңа видео бұл ақпаратты растап отыр. Қазір әншілер ән жазып жатыр, Дорн қазақша шырқамақ. Сонымен бірге олар жұлдызды клипмейкер Айсұлтан Сейітовпен кездескен. Ол үшеуі клиптің жайын талқылаған болар. 

Ал Молданазардың тыңдармандары әншілер Ерке Есмаханның "Қайда?" хитін айтқалы жүр деген пайым жасады.