Тимати қазақстандық әнші Наzиманы "фаворитім" деп атады

Тимати Назиманы "Песни на ТНТ" жобасындағы фавориті екенін айтты, - деп хабарлайды Tengrinews.kz.

"Жобаның басынан бастап фавориттерім болмаған еді, бірақ финалға қарай менің таңдауым мен қолдауым айқындала бастады - командадағы жалғыз қыз", деп жазды Тимати Instagram парақшасында. 

Айта кетейік, қазақстандық әнші Наzима (Нәзима Жәнібекова) "Песни на ТНТ" шоуының финалына өтті. Шоу барысында ол Тиматимен дуэт айтты.

Еске сала кетейік, мамырдың басында Наzима шоуда Шымкент жайлы ән айтты. Оның өнер көрсеткені түсірілген видео 2,4 миллион қаралым жинап, видеоға екі мыңнан аса пікір қалдырылған. Бұған дейін әнші "Падай со мной", сонымен қатар, Jah Khalib әні "Мамаситаны" орындады. 20 мамырда қазақстандық әнші "Бабл Гам" әнін орындап, жұртты таңғалдырды.