Ақша айырбастау орындарында доллар 387 теңгеге дейін қымбаттады

Ақша айырбастау орындарында ұлттық валютаның долларға қатысты бағамы 387 теңге болды, - деп хабарлайды  Tengrinews.kz тілшісі Kurs.kz мәліметтеріне сілтеме жасап.

Биржаның күндізгі сессиясының қорытындысы бойынша доллар бағамы 384,68 теңгеге дейін төмендеді. Ал таңғы саудада бұл көрсеткіш 379,61 теңге еді. Осылайша, бір күнде ұлттық валютаның долларға қатысты бағамы 8 теңгеге түсіп кетті.

Мұның алдында ұлттық экономика министрі Тимур Сүлейменов бюджетте доллар бағамының 370 теңге болатынын айтқан еді.

"Бұл сұрақты Ұлттық банктегілерге қойыңыздар. Біздің келесі жылға әлеуметтік-экономикалық даму жоспарымызға сүйенсек, ұлттық валютаның долларға қатысты бағамы 370 теңге көлемінде болады", - деген болатын министр.