+7 (777) 001 44 99
Қазақша
Русский
English
23 қаңтар 2020 | 11:29
Бейжіңге қазақстандық сиыр етінің алғашқы партиясы жеткізілді
ҚХР астанасы Бейжіңдегі "Синьфади" ауыл шаруашылығы өнімдерінің халықаралық көрме орталығында жетекші қазақстандық компаниялардың жоғары сапалы мұздатылған өнімінің бірінші партиясын жеткізуге арналған ресми шара өтті, - деп хабарлайды Тengrinews.kz тілшісі Ауыл шаруашылығы министрлігі баспасөз қызметіне сілтеме жасап.
ПОДЕЛИТЬСЯ
ҚХР астанасы Бейжіңдегі "Синьфади" ауыл шаруашылығы өнімдерінің халықаралық көрме орталығында жетекші қазақстандық компаниялардың жоғары сапалы мұздатылған өнімінің бірінші партиясын жеткізуге арналған ресми шара өтті, - деп хабарлайды Тengrinews.kz тілшісі Ауыл шаруашылығы министрлігі баспасөз қызметіне сілтеме жасап.
Салтанатты рәсімге Қытай Министрлер Кабинетінің, Бейжің қалалық Үкіметінің, сондай-ақ ҚР СІМ мен ҚР АШМ өкілдері қатысты.
Бұл оқиға Қазақстан мен Қытайдың ветеринариялық қызметтерінің үлкен және үйлесімді жұмысы болды. 2018 жылғы 7 маусымда Бейжіңде қазақстандық сиыр етін экспорттау үшін нарықты ашу бойынша табысты келіссөздер нәтижесінде хаттамаға қол қойылды. 2019 жылдың сәуірінде Ветеринарлық сертификат келісіліп, ал келесі айда ҚХР Бас кеден басқармасы төрт қазақстандық кәсіпорынды сиыр етін Қытайға экспорттау құқығы бар тізімге енгізді. Қытай нарығына өнім экспорттау мүмкіндігі ашылғаннан бері қазақстандық компаниялар 4,5 мың тоннаға жуық сиыр етін жеткізді.
Қазіргі уақытта ҚР Ауыл шаруашылығы министрлігі сиыр етін Қытайға экспорттауға құқығы бар қазақстандық кәсіпорындардың тізімін кеңейту бойынша жұмыстарды жалғастыруда.
Показать комментарии
Читайте также
