Қазақстанда доллар қымбаттады

Brent маркалы мұнайдың бағасы барреліне 50 долларға төмендеуі фонында Қазақстанның айырбастау пункттерінде доллар қымбаттады, - деп хабарлайды Tengrinews.kz тілшісі.

Kurs.kz мәліметінше, айырбастау пункттерінде ұлттық валютаның долларға шаққандағы бағамы 316-318,5 аралығында тұр. Ал кешегі, 4 мамырдағы KASE қор биржасының таңғы және күндізгі сауда қорытындысында ұлттық валюта бағамы долларға шаққанда 315,68 теңге көрсеткішінде тұрған еді. Сауданың жалпы көлемі 191,1 миллион долларға жеткен еді. 

Айта кетейік, мұнайдың әлемдік бағасы АҚШ-тағы шикізат қоры бойынша мәліметтері шыққаннан кейін "қара алтынның" шамадан тыс көп болуы мүмкін деген болжам-қатеріне байланысты төмендеп отыр.