Теңге үшінші күн қатарынан әлсіреп жатыр

KASE қор биржасының 19 маусымындағы күндізгі саудасында ұлттық валюта бағамы долларына 340,36 теңгеге тең болды, - деп хабарлайды Tengrinews.kz тілшісі. Ал 19 маусымдағы таңғы сауда бойынша валюта бағамы долларына 339,02 теңге болған еді.

Күндізгі саудадағы бірінші келісім 338,70 теңгемен жасалды. Минималдық құны да осы болды. Ал максималдық құны - 341 теңге. Сауда көлемі 200,25 миллион долларға жетті.

Kurs.kz мәліметінше, айырбас орындарында доллар 337,5-343 теңгеге бағаланып отыр. Астана уақыты бойынша сағат 15.45-те Brent маркалы солтүстіктеңіз мұнай қоспасының құны барреліне 74,94 доллар болды.