Иранның оңтүстігінде тағы да бірнеше жарылыс болды

Mehr ақпарат агенттігінің хабарлауынша, жарылыстар елдегі ең ірі порт орналасқан Бендер-Аббаста, АЭС орналасқан Бушерде, сондай-ақ Конарак қаласында естіліп жатқанын хабарлады.

Кейінірек IRNA ақпарат агенттігі Бушер билігіне сілтеме жасап, қалада естілген жарылыс дыбыстары әуе шабуылына қарсы қорғаныс (ӘШҚО) жүйелерінің дер кезінде іске қосылуының салдары екенін мәлімдеді.

Бұл туралы Бушер провинциясы губернаторының саяси мәселелер және қауіпсіздік жөніндегі орынбасары Эхсан Джаханиян хабарлады.

Бұған дейін Иран Американың екінші күнге созылған шабуылдарынан кейін Кувейт пен Бахрейнге қарымта соққы жасады.

Сондай-ақ Иранда елдің қаза тапқан жоғарғы көшбасшысы аятолла Әли Хаменеидің құрметіне өткізілген бірнеше күнге созылған жерлеу рәсімдері аяқталды.

Бұған дейін АҚШ президенті Дональд Трамп атысты тоқтату режимі енді күшінде емес екенін мәлімдеген. Осыдан кейін АҚШ әскерилері Иран қалаларына бірнеше соққы жасады. Ислам революциясы сақшылар корпусының (ИРСК) позициялары, ӘШҚО құралдары, жағалаудағы радиолокациялық станциялар және кемеге қарсы зымырандардың ұшыру қондырғылары нысана ретінде көрсетілді.