Мысырда төрт гей ұзақ жылға бас бостандығынан айырылды

Мысырда "гомосексуалистік акт" жасағаны үшін төрт ер адамға түрме жазасы берілді деп хабарлайды BBC Russian.

Сотталған азаматтар "әумесерлік секс-кеш" ұйымдастырғаны және оған қатысқаны, сондай-ақ, әйел адамның киімін кигені үшін айыпты деп танылып, сегіз жылға дейін бас бостандығынан айырылған. 

Негізі, Мысыр заңы бойынша гомосексуализм қылмыс деп саналмайды, дегенмен ер адамдарға ойнасқа қарсы заңды бұзды деген айып тағылып отыр. Гей-белсенділердің бірі BBC Russian басылымына соңғы кездері бұл елде дәстүрлі емес жыныстық ориентация өкілдерін тұтқындау жиілеп кеткенін айтты.