+7 (777) 001 44 99
Қазақша
Русский
English
06 қазан 2024 | 15:45
Абай облысының әкімі референдумда дауыс берді
Абай облысының әкімі референдумда дауыс берді, - деп хабарлайды Tengrinews.kz тілшісі.
ПОДЕЛИТЬСЯ
Абай облысының әкімі референдумда дауыс берді, - деп хабарлайды Tengrinews.kz тілшісі.
Абай облысында 487 сайлау комиссиясы жұмыс істеп тұр. Оның ішінде бір облыстық аумақтық комиссия, қалалар мен аудандарда 12 аумақтық комиссия бар. Сонымен қатар 474 учаскелік комиссия жұмылдырылған. Комиссия мүшелерінің саны 3293 адам.
Референдумға облыс әкімі Нұрлан Ұранхаев қатысып, Семей қаласындағы №93 сайлау учаскесінде дауыс берді.
Дауыс беруден кейін аймақ басшысы шараның ел үшін маңызын атап өтті.
"Аса күрделі мәселені Президент халықпен бірге ақылдаса отырып шешуді айтты. Абай облысы бойынша 474 сайлау учаскесі ашылып, заңға сәйкес жұмыс істеуде. Отбасыммен бірге өз таңдауымызды жасадық. Дауыс беруге келген жерлестеріміздің қарқыны жақсы. Абай елі береке-бірлігін көрсетіп, осы науқанды абыроймен өткізеді деп сенемін",- деді облыс әкімі.
Облыс бойынша сайлаушылар тізіміне 407 549 адам енгізілген. Бұл —референдумға қатысуға құқығы бар азаматтар. Сонымен қатар, көшпелі сайлау комиссиялары ұйымдастырылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Абай облысының өңірлік коммуникациялар қызметі ұсынған материал
Показать комментарии
Читайте также
