Ақтаулық экоактивист Каспий теңізі түбіндегі қоқысты тазартты

Ақтаулық тұрғын әрі экоактивист Қанат Әбдіев Каспий теңізінің түбінен қоқыс жинап, жалғыз өзі су астында 1,3 шақырым жүзіп өтті, - деп хабарлайды Tengrinews.kz тілшісі.

Ол Instagram-парақшасында су астында құм мен балдырлардың арасынан пластик бөтелкелерді, көлік дөңгелек пен басқа да тұрмыстық қалдықтарды алып жатқан сәтін көрсеткен бейнежазба жариялады.

"Адамдар теңізде балық аулайды, ал біз қоқыс жинаймыз", - деп қалжыңдады сүңгуір.

Активистің айтуынша, ол Каспийдің ластану мәселесіне назар аударту үшін мұндай сүңгу жұмыстарын тұрақты түрде өткізіп келеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!