Ақтөбе облысында құрдастарын себепсіз ұрып-соққан бір топ бала анықталды

Ақтөбе облысында бір топ бала кәмелетке толмағандарды себепсіз соққыға жыққан, - деп хабарлайды Tengrinews.kz тілшісі polisia.kz-ке сілтеме жасап.

28 сәуірде әлеуметтік желілерді мониторинг жүргізу барысында бір топ жастар өз құрдастарын ұрып-соғып жатқан видео анықталды.

Полиция қызметкерлері осы ақпаратты тексеру барысында Алғада Niva көлігімен жүріп келе жатқан бірнеше кәмелетке толмағандар өз құрдастарын көшеде кездестіріп, оларды себепсіз ұрып-соққаны анықтады.

Төбелес ұйымдастырғандар анықталып, полиция бөліміне жеткізілді, онда олармен және ата-аналармен профилактикалық әңгіме жүргізілді.

Ұсталғандарға қатысты ҚР Қылмыстық кодекстің 293-бабы 2-бөлігі "Бұзақылық" бойынша соталды тергеу басталды. Ұсталғандардың бірінің ата-анасына тиесілі көлік арнайы тұраққа қойылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!