Алматыда көлік жүргізушісі баланы қағып өлтірді

Алматының Наурызбай ауданында жол талғамайтын көлік баланы қағып кетті, - деп хабарлайды Tengrinews.kz тілшісі.

Оқиға бүгін, 10 тамызда, сағат 13:30 шамасында болған.

"Range Rover маркалы автокөліктің жүргізушісі Хигай көшесімен шығыс бағытта келе жатып, жол үстінде тұрған баланы қағып кеткен. Өкінішке қарай, 2013 жылы туған бала оқиға орнында көз жұмды", – деп мәлімдеді Алматы ПД.

Полиция дерегінше, бұл жағдайға қатысты Алматы ПД тергеу басқармасы қылмыстық іс қозғады. Сондай-ақ тиісті сараптама тағайындалған.

Еске салайық, бұған дейін Алматыда троллейбус аялдамаға соғылып, екі адам зардап шеккен болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!