+7 (777) 001 44 99
Қазақша
Русский
English
28 қаңтар 2023 | 13:32
Алматыда көлік ұрлаған жігіт "жәбірленушінің өз ұлы тапсырыс бергенін" айтты
Алматыда ұрланған көлік Шымкенттен табылды. Көлікті ұрлаған адам осылай істеуге "тапсырыс бергенін" айтқан, - деп хабарлайды Tengrinews.kz тілшісі.
ПОДЕЛИТЬСЯ
Алматыда ұрланған көлік Шымкенттен табылды. Көлікті ұрлаған адам осылай істеуге "тапсырыс бергенін" айтқан, - деп хабарлайды Tengrinews.kz тілшісі.
Полицияға "Хюндай" көлігінің ұрланғаны туралы иесі хабарлаған.
Әйелдің айтуынша, төрт сағаттың ішінде белгісіз біреу оның "Дарабоз" шағын ауданындағы үйлердің бірінің ауласында тұрған шетелдік көлігін ұрлап кеткен.
"Осы қылмысты ашу мақсатында қалалық криминалдық полиция және Алатау аудандық полиция басқармасының қызметкерлерінің арасынан тергеу-жедел тобы құрылды. Біз бейнебақылау жүйелерінің мүмкіндіктерін белсенді түрде пайдаландық, оның көмегімен, ең алдымен, көлікті ұрлаған адамның қозғалу бағыты мен нөмірді ауыстыру дерегі анықталды. Күдік тудырмас үшін қаскөй ұрланған көлікке дәл сондай "Хюндай" көлігінің нөмірлерін орнатқан. Жедел іздестіру шараларының тізбегі жедел уәкілдерді Шымкент қаласына алып келді. Күдікті сол жерде ұсталды", - деді Алматы полиция департаменті бастығының орынбасары, полиция полковнигі Дидар Аханов.
Алайда ұсталған адам - 2000 жылы туған К.есімді азамат, жәбірленушінің ұлы шетелдік көлікті ұрлауға "тапсырыс бергенін" айтып, ақталған. Екеуі дос болып шықты.
"Біз нақты мән-жайды, қылмыстың себебін анықтаймыз. "Тапсырыс туралы" нұсқа да мұқият тексеріліп жатыр. Жастар сақтандыру төлемдерін алу үшін ұрлықты жоспарлаған болуы да мүмкін. Сотқа дейінгі тергеу жалғасып жатыр", - деді полковник Аханов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
