+7 (777) 001 44 99
Қазақша
Русский
English
13 тамыз 2024 | 17:18
Алматыда Рысқұлов даңғылының бір аумағында жөндеу жұмыстары аяқталды
Алматыда орташа жөндеу жұмыстары аяқталып, Рысқұлов даңғылының оңтүстік жағында қозғалыс ашылды. Естеріңізге сала кетейік, жөндеу жұмыстары 11 тамыздан бастап Рысқұлов-Кудерин жолайырығы көпірінен Рысқұлов-Бөкейханов жолайырығына дейінгі учаскеде жүргізілді.
ПОДЕЛИТЬСЯ
Алматыда орташа жөндеу жұмыстары аяқталып, Рысқұлов даңғылының оңтүстік жағында қозғалыс ашылды. Естеріңізге сала кетейік, жөндеу жұмыстары 11 тамыздан бастап Рысқұлов-Кудерин жолайырығы көпірінен Рысқұлов-Бөкейханов жолайырығына дейінгі учаскеде жүргізілді.
Қалалық мобилділік басқармасының хабарлауынша, соңғы рет аталған учаскеде жөндеу жұмыстары 2014 жылы, яғни 10 жыл бұрын Алматының жол-климаттық аймағын ескере отырып, 5 жылдық нормативпен жүргізілген.
Сондай-ақ, бүгінгі күні Момышұлы көшесінің аумағын орташа жөндеу жұмыстары жалғасуда. Жұмыс 16 тамызда сағат 11.00-ге дейін жалғасады.
Бұған қоса, ертеңнен бастап 15 тамыз сағат 20.00-ге дейін жөндеу жұмыстарына байланысты Сәтбаев көшесінің Достық даңғылынан Луганский көшесіне дейінгі учаскесінде қозғалыс жабылады.
Айта кету керек, 20 магистральдық көшені жөндеу кезінде жол төсемінің беріктігін арттыруға бағытталған полимерасфальтобетон қолданылады. Жөнделген аумақтар 36 сағат бойы тиісті талапқа сай салқындап, қатуы керек.
Қала әкімі Ерболат Досаевтың тапсырмасымен магистральдық көшелерді жөндеу тамыз айының соңына дейін, аудандық маңызы бар көшелерді жөндеу қазан айының соңына дейін аяқталады.
Еске сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS және "Яндекс карталары" сервистерінде жазылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Материалды Алматы әкімдігі ұсынды
Показать комментарии
Читайте также
