Алматыдағы Досмұхамедов көшесінде көлік қозғалысы уақытша шектеледі

Алматыдағы Досмұхамедов көшесінде көлік қозғалысы уақытша шектеледі, - деп хабарлайды Tengrinews.kz тілшісі қалалық мобилділік басқармасына сілтеме жасап.

"Байтұрсынов көшесінен Досмұхамедов көшесіне дейін Әйтеке би көшесінің бойында жол салу" нысаны бойынша құрылыс-монтаждау жұмыстарының жүргізілуіне байланысты 2023 жылғы 18 маусым сағат 10:00-ден 18:00-ге дейін Досмұхамедов көшесінің Ramada қонақ үйінен № 123/1-тұрғын үйге дейінгі бөлігінде көлік қозғалысы уақытша шектеледі.

Көлік қозғалысы Қазыбек би, Шәріпов және Гоголь көшелері арқылы жүзеге асырылады.

"Іргелес көшелермен көлік қозғалысы өзгеріссіз жүргізіледі. Құрылыс 2023 жылға арналған жұмыс жоспары аясында жүзеге асырылып жатыр, келтірілген қолайсыздықтар үшін кешірім өтінеміз және жол жүру бағыттарыңызды алдын ала жоспарлауларыңызды сұраймыз", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!