Алматылық құтқарушылар тауда 3 туристі құтқарды

Алматылық құтқарушылар тауда 3 туристі құтқарды, - деп хабарлайды Tengrinews.kz тілшісі Төтенше жағдайлар министрлігіне сілтеме жасап.

2023 жылғы 1 сәуірде сағат 16:35-те Республикалық жедел-құтқару жасағының кезекші-диспетчерлік бөлімшесіне Алматы төтенше жағдайлар департаментінен жедел кезекшісінен шақыру түскен.

3 адам Бутаков асуынан Букреев шыңына көтеріліп бара жатқан уақытта қар көшкінінен бір турист төменге қарай сырғып түскен.

РЖҚЖ-ның 5 құтқарушысы мен Алматы құтқарушылары адамдарға көмекке аттанды.

Құтқарушылар оларды Бутаков шатқалындағы автотұраққа дейін жеткізді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!