Илон Маск жаңа мессенджерді әзірлеп жатқанын айтты

Илон Маск тағы да Джо Роган подкастының қонағы болды. Әңгіме барысында ол X компаниясы X Chat деп аталатын жеке хабарлама алмасу қолданбасын әзірлеп жатқанын айтты, - деп хабарлайды Tengrinews.kz тілшісі РБК Криптоға сілтеме жасап.

Масктың айтуынша, мессенджер биткоинде қолданылатынға ұқсас шифрлау жүйесін пайдаланады. Қолданба бірнеше айда іске қосылады.

"X-та (бұрынғы Twitter) біз хабарлама алмасу жүйесін толық жаңарттық - енді ол X Chat деп аталады. Қолданушылар арасындағы тікелей алмасуға (peer-to-peer) негізделген шифрлау жүйесін қолданамыз, бұл біршама биткоиндікіне ұқсайды. Өте сенімді шифрлау, біз оны мұқият сынап жатырмыз", - деді Маск.

Ол сондай-ақ X Chat пайдаланушылар деректерін жарнама берушілерге жинамайтынын және бермейтінін мәлімдеді.

Маск бәсекелестерін, әсіресе WhatsApp-ты, нысаналы жарнама көрсету үшін хат алмасуларды талдайды деп сынады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!