Илья Ильин спортқа оралғаннан кейінгі бірінші турнирінде жеңіске жетті

Ташкентте Халықаралық ауыр атлетика чемпионатының 102 келіге дейінгі ерлер арасындағы жарыс аяқталды, - деп хабарлайды Vesti.kz.

Халықаралық жарыста осы салмақта қазақстандық Илья Ильин жеңімпаз атанды. Қос сайыс қорытындысы бойынша ол 355 (160+195) келі көтерді.

Екінші орында катарлық Фарес Эльбах - 353 (159+194) келі. Қола жүлде Өзбекстан атлеті Умарбек Шохназаровта - 341 (155+186).

Еске салайық, мұның алдында Қазақстан қоржынына 61 келіге дейінгі салмақта Игорь Сон алтын салған.