02 қаңтар 2025 | 15:32

Интернет-алаяқтық жасады деген күдікпен екі алматылық ұсталды

фото: Polisia.kz

Алматыда екі ер адамнан 190 sim-карта және төрт sim-box тәркіленді, - деп хабарлайды Tengrinews.kz тілшісі ҚР ІІМ ресми интернет-ресурсына сілтеме жасап.

Алматыда екі ер адамнан 190 sim-карта және төрт sim-box тәркіленді, - деп хабарлайды Tengrinews.kz тілшісі ҚР ІІМ ресми интернет-ресурсына сілтеме жасап.

Ақпаратқа сәйкес, Республиканың аумағында түрлі мессенджерлер арқылы қазақстандықтарға қоңырау шалу үшін интернет-алаяқтар sim-box құрылғыларын пайдаланған.

Адамдарды алдау үшін қылмыскерлердің белгілі бір елде болуы міндетті емес. Sim-box құрылғыларының болуы жеткілікті. Олар жергілікті ұялы байланыс операторларының интернет–трафигін қолдана отырып, жалған нөмірлермен байланыс орнатуға мүмкіндік береді.

"Жаңа жыл қарсаңында ІІМ киберқылмысқа қарсы іс-қимыл департаментінің үйлестіруімен Алматы ПД полиция қызметкерлері жалдамалы пәтерде sim-box құрылғысының үздіксіз жұмысын қамтамасыз еткен 25 жастағы екі жігітті ұстады. Жедел уәкілдер пәтерді тінту кезінде әрқайсысы 32 слоттық төрт sim-box құрылғысын және қазақстандық ұялы байланыс операторларының 190 sim-картасын, бірнеше телефон мен ноутбуктарды тәркіледі", - делінген хабарламада.

Тергеу амалдары жүргізіліп жатыр. Ұсталғандарға қатысты "қамауда ұстау" бұлтартпау шарасы таңдалды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Алматы Интернет-қарақшылық алаяқтар

Редакция сұрағы

Бұл туралы не ойлайсыз?