+7 (777) 001 44 99
Қазақша
Русский
English
23 шілде 2023 | 17:11
Қарағандыдағы трансформатор стансасында өрт болды
Қарағандыда Сәтбаев көшесінде орналасқан "Қарағанды жарық" трансформаторлық қосалқы стансасынан шыққан өрт пен қою қара түтін бағанасы жергілікті тұрғындарды алаңдатты. Оқиға жексенбі, 23 шілде күні түстен кейін болған, - деп хабарлайды Tengrinews.kz тілшісі.
ПОДЕЛИТЬСЯ
Қарағандыда Сәтбаев көшесінде орналасқан "Қарағанды жарық" трансформаторлық қосалқы стансасынан шыққан өрт пен қою қара түтін бағанасы жергілікті тұрғындарды алаңдатты. Оқиға жексенбі, 23 шілде күні түстен кейін болған, - деп хабарлайды Tengrinews.kz тілшісі.
Қалалық төтенше жағдайлар департаменті өрт туралы хабарлама сағат 13:15-те түскенін хабарлады. "Қарағанды жарық" ЖШС аумағында 15 шаршы метр аумақта трансформатордың майы жанып кеткен.
"Өрт 14:24-те сөндірілді. Су төгу жұмыстары аяқталғаннан кейін "Қарағанды жарық" ЖШС күштері №4 трансформатордан қуат алатын абоненттерді көршілес трансформаторға қосады. Зардап шеккендер жоқ. Өрттің шығу себебі анықталып жатыр", - делінген ведомство таратқан хабарламада.
"Вечерняя Караганда" басылымының хабарлауынша, қаланың орталық бөлігіндегі қосалқы стансадағы өрт салдарынан электр жарығы өшіп қалған. Жарық екі сағат ішінде қосылатынын айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
