+7 (777) 001 44 99
Қазақша
Русский
English
06 қазан 2024 | 07:58
Қазақстанда АЭС құрылысына байланысты референдумда дауыс беру басталды
Қазақстанда АЭС құрылысына байланысты референдумда дауыс беру басталды, - деп хабарлайды Tengrinews.kz тілшісі.
ПОДЕЛИТЬСЯ
Қазақстанда АЭС құрылысына байланысты референдумда дауыс беру басталды, - деп хабарлайды Tengrinews.kz тілшісі.
Айта кетейік, еліміздің 84 учаскесінде дауыс беру таңғы алтыда басталды. Оның ішінде әскери учаскелер мен кейбір вахталық ауылдар бар. Бұл осы учаскелердегі жұмыстың немесе қызметтің ерекше тәртібіне байланысты.
Ал қалған учаскелерде дауыс беру таңғы 07.00 шамасында басталады.
Еске салайық, 2 қыркүйекте Президент Қасым-Жомарт Тоқаев республикалық референдум өткiзу туралы Жарлыққа қол қойды.
Референдумда дауыс беретін учаскеңізді қалай анықтауға болады?
Бұл үшін referendum.gov.kz деген арнайы сайт іске қосылды. Өз учаскеңізді білу үшін мына қадамдарды орындаңыз:
- referendum.gov.kz сайтына кіріңіз.
- Тұрғылықты жеріңізді көрсетіңіз.
- ЖСН (жеке сәйкестендіру нөмірі) енгізіңіз.
6 қазанда басқа қалаға кетуді жоспарласаңыз, алдын ала құжат алыңыз. Ол үшін тұрғылықты жеріңіз бойынша сайлау пунктіне бару қажет, құжатты 5 қазан сағат 18:00-ге дейін алу керек. Есептен шығару куәлігі сол елді мекеннің немесе қаланың басқа учаскесінде дауыс бергісі келетіндерге берілмейді.
Шетелдегі дауыс беру учаскесін қалай білуге болады?
Референдум күні шетелде болсаңыз сайлау учаскесі құрылған Қазақстанның дипломатиялық немесе консулдық өкілдігіне жүгіне аласыз. 62 елде 77 учаске құрылды. Учаскелердің тізімін бұған дейін Орталық сайлау комиссиясы жариялады.
Шет мемлекетте – жеке, қызметтік, оқу, іскерлік және туристік мақсаттар бойынша тұратын немесе уақытша болатын және жарамды паспорттары бар Қазақстан азаматтары референдумда дауыс бере алады.
Үйде дауыс беруге бола ма?
Денсаулық жағдайына, отбасының науқас мүшесінің күтіміне, мүгедектігіне немесе жасына байланысты сайлау учаскесіне бара алмайтын азаматтар үйде дауыс беруге құқылы. Ол үшін учаскелік сайлау комиссиясына жүгіну қажет.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
