Қазақстандық гимнаст алғаш рет жасөспірімдер арасында әлем чемпионатының жүлдегері атанды

Қазақстандық гимнаст алғаш рет жасөспірімдер арасында әлем чемпионатының жүлдегері атанды, - деп хабарлайды Tengrinews.kz тілшісі Қазақстан гимнастика федерациясына сілтеме жасап.

29 наурыз - 2 сәуір аралығында Түркияның Анталья қаласында жасөспірімдер арасында спорттық гимнастикадан әлем чемпионаты өтіп жатыр.

Қазақстандық спортшы Зейнолла Ыдырысов ат снарядында 14.066 ұпаймен армениялық спортшыларға есе жіберіп, қола жүлде иегері атанды:

1. Гамлет Манукян, Армения 14,633;
2. Мамикон Хачатурян, Армения, 14 100;
3. Зейнолла Ыдырысов, Қазақстан, 14 066.

Айта кетейік, бұл - Қазақстанның гимнастика тарихындағы жасөспірімдер арасында алғашқы медалі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!